Qirg‘izistondagi festivalda burgut qizchaga hujum qildi (video)
O‘tgan dam olish kunlari Qirg‘izistonning Issiq-ko‘li bo‘yida “Teskey jeek” etnofestivali bo‘lib o‘tdi va unda otlarda burgutlar qo‘llangan holda ov qilishning o‘ziga xos jihatlari namoyish qilingan. Festival davomida burgutning qizchaga hujum qilishi bilan bog‘liq noxush voqea yuz berdi.
8 yoshli Aziza ismli qizcha noma'lum sabablarga ko‘ra yirtqich qushlar bilan ko‘rgazmali chiqishlar o‘tkazilayotgan maydonga chiqib ketgan. U to‘siqdan oshib o‘tib, sayyohlar tomon yugurgan. Shunda burgut unga hujum qilib, uni tirnay boshlagan. Festival ishtirokchilari qizcha yoniga yugurib borib, uni burgutning panjalari orasidan chiqarib olishgan.
Ta'kidlanishicha, qizcha shifoxonaga olib borilgan, uning jarohatlariga chok solingan va so‘ngra uyiga jo‘natib yuborilgan.
Issiq-ko‘ldagi etnofestivalda Markaziy Osiyo ko‘chmanchi xalqlari o‘yinlari, hunarmandlar ishlari, qirg‘iz milliy ovi – salbuurun unsurlari va qadimiy turar-joylar namoyish qilinadi.
Mavzuga oid
18:49 / 20.09.2024
Qirg‘izistonda korrupsionerlar va ularning qarindoshlariga davlat lavozimida ishlash taqiqlanadi
22:04 / 16.09.2024
Qirg‘izistondan O‘zbekistonga ot uyurini noqonuniy haydab o‘tmoqchi bo‘lganlar ushlandi
20:33 / 14.09.2024
Vodiydagi tantana, Boysundagi mavhumlik va AES bo‘yicha yakuniy bitim - hafta dayjesti
19:03 / 14.09.2024