O‘zbekistonda atom energiyasidan tinch maqsadlarda foydalanish to‘g‘risida qonun ishlab chiqiladi

Kecha «O‘zbekiston Respublikasida atom energetikasini rivojlantirish chora-tadbirlari to‘g‘risida»gi prezident farmoni qabul qilingani, shu asosda «O‘zatom» agentiligi tashkil etilgani haqida xabar qilingandi.

Qarorga muvofiq, Vazirlar Mahkamasi 2018 yil 1 oktyabrga qadar muddatda “Atom energiyasidan tinchlik maqsadlarida foydalanish to‘g‘risida”gi O‘zbekiston Respublikasi Qonuni loyihasini ishlab chiqadi.

Shuningdek, 2018 yil 20 dekabrga qadar 2019-2029 yillarda O‘zbekiston Respublikasida atom energetikasini rivojlantirish konsepsiyasi, 2019 yil 1 iyungacha ushbu konsepsiyaga muvofiq ravishda atom energetikasini rivojlantirish bo‘yicha investitsion loyihalar portfeli, 2019 yil 1 noyabrgacha 2019−2029 yillarda O‘zbekistonda atom energetikasini rivojlantirish davlat dasturi ishlab chiqilishi belgilangan.