Toshkentdagi masjid imomi Sirdaryo viloyatiga yangi bosh imom-xatib bo‘ldi
21 iyul kuni Sirdaryo viloyati vakilligida viloyat imom-xatiblarining navbatdan tashqari yig‘ilishi bo‘lib o‘tdi. Unda O‘zbekiston musulmonlari idorasi raisi, muftiy Usmonxon Alimov ham qatnashdi. Yig‘ilish bugungi kun talablaridan kelib chiqqan holda, tanqidiy va tahliliy ruhda o‘tgan.
O‘zbekiston Musulmonlari idorasi matbuot xizmati xabar berishicha, yig‘ilishda tashkiliy masala ko‘rilgan. Unga ko‘ra, O‘zbekiston musulmonlari idorasining Sirdaryo viloyati vakili, viloyat bosh imom-xatibi va Guliston shahridagi «Guliston» jome masjidi imom-xatibi Mo‘'minjon domla Usmonov o‘z xohishiga ko‘ra, egallab turgan lavozimdan ozod etilib, Guliston shahri «Tavhid» jome masjidi imom-xatibi vazifasiga tayinlangan.
O‘z navbatida, Toshkent shahridagi «Mahkamboy Hoji Ota» jome masjidi imom-xatibi Zokirov Habibulloh O‘zbekiston musulmonlari idorasining Sirdaryo viloyati vakili, viloyat bosh imom-xatibi va Guliston shahridagi «Guliston» jome masjidi imom-xatibi lavozimlarini egallagan.
Eslatib o‘tamiz, 20 iyul kuni O‘zbekiston musulmonlari idorasi rahbari, muftiy Usmonxon Alimov buyrug‘i asosida Toshkentdagi «Shayx Zayniddin» masjidi imom xatibi Odilxon qori Yunusxon o‘g‘li o‘z vazifasidan ozod etilgandi.
Mavzuga oid
21:19 / 05.09.2024
Uchta viloyat chegarasiga o‘zgartirish kiritilmoqda
11:32 / 11.08.2024
Koreyaga ishga jo‘natishini aytib fuqaroning pullarini o‘zlashtirgan shaxs ushlandi
16:37 / 06.08.2024
Sirdaryoda tadbirkordan 4 ming dollar olgan soliq xodimiga hukm o‘qildi
21:04 / 27.06.2024