Toshkentda 13 ming dollarni o‘g‘irlagan shaxs aniqlandi

Toshkent shahrining Uchtepa tumanida jinoyat sodir bo‘ldi. Bu haqda O‘zbekiston Respublikasi IIV Jamoatchilik va ommaviy axborot vositalari bilan aloqalar boshqarmasi xabar qilmoqda.

Qayd etilishicha, 2017 yilning 12 dekabr kuni noma'lum shaxs A.X.ning uyiga devor oshish yo‘li bilan kirib, xonasidan 13 ming AQSh dollari va zargarlik buyumlarini o‘g‘irlab ketgan.

Ko‘rilgan choralar natijasida ushbu jinoyatni Buxoro viloyati Qorako‘l tumanida yashovchi Sh.M. sodir etganligi aniqlanib ushlangan.