Qashqadaryoda yuz bergan janjal oqibatida 4 kishi kasalxonaga yotqizildi

1 avgust kuni Qashqadaryo viloyatining Koson tumanida jinoyat yuz berdi. Bu haqda O‘zbekiston Respublikasi IIV Jamoatchilik va ommaviy axborot vositalari bilan aloqalar boshqarmasi xabar qilmoqda.

Qayd etilishicha, shu tumanda yashovchi N.K. va o‘g‘li I.K. “Arabxona” MFY hududida o‘zaro janjal oqibatida Xalqobod mahallasida yashovchi R.B. va shu mahallada yashovchi ikki nafar ukasi hamda Arabxona mahallasida yashovchi B.B.ning tanasi turli joylariga o‘tkir tig‘li jism va tayoq bilan urib, jarohat yetkazganlar.

Natijada 4 nafar fuqaro kasalxonaga yotqizilgan. Ko‘rilgan choralar natijasida N.K. va I.K. ushlangan.