7 avgust soat 22:00dan boshlab poytaxtdagi ba'zi ko‘chalarda transport qatnovi vaqtinchalik to‘xtatiladi 

7 avgust kuni soat 22:00dan boshlab Nukus – Amir Temur chorrahasidan Amir Temur ko‘chasi bo‘ylab Amir Temur maydoniga qadar avtotransportlar qatnovi to‘xtatiladi. Bu haqda Toshkent shahar hokimligi matbuot xizmati xabar bermoqda.

Qayd etilishicha, ko‘chalarning bu qismida yo‘l harakati boshqarmasi texnik vositalaridan foydalanish departamenti yo‘l belgilarini yangilash, ta'mirlash ishlarini olib boradi.

“Vaqtinchalik noqulayliklar uchun hamshaharlarimizdan uzr so‘raymiz!” - deyiladi xabarda.