Toshkentda Qurbon hayiti kuni jamoat transporti harakati soat 5:00dan boshlanadi

Toshkentda Qurbon hayiti kuni jamoat transporti harakatlanishi soat 5:00dn boshlanadi. Bu haqda Toshshahartransxizmat” AJ Toshkent shahar hokimligi matbuot xizmatiga ma'lum qilgan.

“Qurbon hayiti munosabati bilan Toshkent shahrida 21 avgust kuni transport yo‘nalishlariga harakat tarkibining ishga chiqarilishi tonggi soat 5:00dan boshlanadi”, - deyiladi xabarda.

Eslatib o‘tamiz, avvalroq joriy yilda O‘zbekistonda Qurbon hayiti namozi 21 avgustda o‘qilishi xabar berilgandi.

O‘zbekiston Respublikasi prezidenti Shavkat Mirziyoyevning «Qurbon hayitini nishonlash to‘g‘risida»gi farmoniga ko‘ra, Qurbon hayitining birinchi uch kuni, ya'ni, 21-23 avgust kunlari bayram sifatida keng nishonlanishi belgilangan.

21–23 avgust kunlari 5 kun ishlaydiganlar uchun, 21-22 avgust kunlari 6 kun ishlaydiganlar uchun dam olish kuni bo‘ladi.