Birgalikda tadbirkorlik qilamiz deb aldab, 97 ming dollarni olgan firibgar ushlandi

2018 yilning 4 sentabr kuni Toshkent shahri Yakkasaroy tuman IIBga tushgan hujjatlarga ko‘ra, Yashnobod tumanida yashovchi muqaddam sudlangan J.B., shu yil may oyida Bobur ko‘chasi oldida Uchtepa tumanida yashovchi K.J.ga birgalikda tadbirkorlik bilan shug‘ullanib, katta daromad olishlikni va'da bergan.

O‘zbekiston Respublikasi IIV Jamoatchilik va ommaviy axborot vositalari bilan aloqalar boshqarmasi xabariga ko‘ra, bu shaxs unga soxta hujjatlarni taqdim etish orqali aldov yo‘li bilan 97 600 AQSh dollarini olgani va shu kunga qadar bergan va'dasini bajarmay, pullarni o‘z ehtiyoji uchun ishlatib yuborganligi ko‘rsatilgan. 

Holat yuzasidan jinoyat ishi qo‘zg‘atilib, J.B. qo‘lga olingan. Tergov harakatlari davom etmoqda.