Qashqadaryodagi to‘yxona oldida janjal yuz berdi, bir kishi vafot etdi

Shu yilning 7 sentabr kuni kechki vaqtlarda Qashqadaryo viloyatining G‘uzor tumanida yashovchi I.R. va uning mahalladoshi A.R. Mustaqillik ko‘chasida joylashgan “Sarbon” to‘yxonasi oldida o‘zaro janjal oqibatida 30 yoshli D.N. tanasining turli joylariga urib-tepib jarohat yetkazib, voqea joyidan ketib qolganlar.

Bu haqda O‘zbekiston Respublikasi IIV Jamoatchilik va ommaviy axborot vositalari bilan aloqalar boshqarmasi xabar bermoqda.

Natijada D.N. kasalxonaga olib ketilayotganida vafot etgan. Ko‘rilgan choralar natijasida I.R. va A.R. ushlangan. 

Holat yuzasidan jinoyat ishi qo‘zg‘atilib, tergov harakatlari olib borilmoqda.