Toshkentdagi Furqat ko‘chasida harakat cheklanadi

“Tashkent city” xalqaro ishbilarmonlik markazi loyihasida qurilish ishlari olib borilmoqda, deb xabar bermoqda Toshkent shahar hokimligi matbuot xizmati.

Qayd etilishicha, ushbu ishlarni bajarishda jalb etilgan maxsus texnikalarni shu yo‘nalishda joylashgan qurilish obektlariga kirib chiqishi va transport vositalarini harakat xavfsizligini oldini olish uchun Shayxontohur tumani Furqat ko‘chasidagi yordamchi yo‘li vaqtinchalik yopiladi. Ushbu cheklov qurilish yakuniga qadar amal qilishi ko‘zda tutilgan.

“Poytaxt ma'muriyati keltirilgan noqulayliklar uchun uzr so‘raydi”, - deyiladi xabarda.