MDHda yil oxirigacha yana nechta mashq o‘tkazilishi aytildi
Rossiya Markaziy harbiy okrugi qo‘shinlari qo‘mondoni, general-leytenant Aleksandr Lapin 2018 yil oxirigacha MDH hududida yana to‘rtta yirik mashqlar o‘tkazilishi haqida xabar berdi.
«Oldinda muhim va qator jiddiy tadbirlar bor. Bu Qozog‘istondagi «Poisk-2018», Tojikistondagi «Rubej-2018», Rossiya Federatsiyasi hududidagi «Vozdushniy most» hamda «Nerushimoye bratstvo» mashqlari. Ular dunyoga bizning birdamligimiz, jangovar qudratimiz va qisqa muddat ichida Markaziy Osiyoning istalgan nuqtasida birlashgan kuchlar guruhini yaratish qobiliyatimizni namoyish etib beradi», - dedi Lapin «Issiqko‘l - Antiterror-2018» terrorchilikka qarshi qo‘shma mashqlarning yopilish marosimida.
Uning so‘zlariga ko‘ra, chorshanba kuni yakunlangan mashqlar MDH mamlakatlari qo‘shma jangovar tayyorgarligi bo‘yicha tadbirlar kompleksida navbatdagi bosqichga aylandi, deb xabar beradi RIA Novosti.
«O‘tgan uch yil mobaynida, jangovar tayyorgarlik dasturlarining soni 4 barobarga oshdi, 17ta qo‘shma mashqlar va mashg‘ulotlar o‘tkazildi, zobitlar operatsiyalarni rejalashtirish hamda birlashgan qo‘shinlar va kuchlar guruhini qo‘llashda qimmatli tajriba orttirdi. Bunday yondashuv xalqaro terrorizmdan, ayniqsa, Afg‘onistondan kelayotgan tahdid va chaqiriqlarga adekvat javob hisoblanadi», - dedi u.
Eslatib o‘tamiz, avvalroq IShID Markaziy Osiyoda tayanch nuqtasi tashkil etishga harakat qilayotgani aytilgandi.
Mavzuga oid
09:06 / 07.09.2024
O‘zbekistonda qo‘shma aksilterror mashqlari bo‘lib o‘tdi
22:23 / 20.08.2024
Lukashenko MDH davlatlarini Rossiyaga nisbatan xudbinlikda aybladi
10:04 / 01.08.2024
Rossiya strategik bo‘lmagan yadroviy kuchlar mashqlarining uchinchi bosqichini boshladi
13:40 / 30.07.2024