Qashqadaryoda yashovchi shaxs Toshkent viloyatida 27 mln so‘mlik akkumulyator plastinalarini o‘marib ketdi

Toshkent viloyatining Quyi Chirchiq tumanida shu yil 23 may kuni noma'lum shaxs “Qurbon-Nosir” MChJga qarashli akkumulyatorlarni ta'mirlash ustaxonasidan umumiy qiymati 27 mln. 800 ming so‘m bo‘lgan 7000 dona akkumulyator plastinalari va 3400 dona akkumulyator setkalarini o‘g‘irlab ketgan. 

O‘zbekiston Respublikasi IIV Jamoatchilik va ommaviy axborot vositalari bilan aloqalar boshqarmasi xabariga ko‘ra, holat yuzasidan jinoyat ishi qo‘zg‘atilib, ko‘rilgan choralar natijasida ushbu jinoyatni Qashqadaryo viloyati Mirishkor tumanida yashovchi R.R. sodir etganligi aniqlanib ushlangan. 

Tergov davom etmoqda.