Markaziy Amerikadagi kuchli yomg‘irlar 12 kishining hayotiga zomin bo‘ldi

Markaziy Amerika davlatlariga yopirilgan kuchli yomg‘irlar oqibatida kamida 12 kishi hayotdan ko‘z yumdi, 23 mingdan ko‘proq kishi jabr ko‘rdi.

Gondurasda tabiiy ofatdan ayol va uning ikki farzandi halok bo‘lgan. Ularning uyi ko‘chki ostida qolgan. Yana 3 kishi toshqinlarda cho‘kib ketgan, bir kishi bedarak yo‘qolgan.

Gvatemalada esa suv oqimlari bilan olib ketilgan 11 yoshli bola qidirilmoqda.

Nikaraguada 3 kishi, Kosta-Rikada bir kishi va Salvadorda 2 kishi halok bo‘lgani ma'lum qilingan.

Tabiiy ofat vaqtida mintaqaning 23 mingdan ko‘proq kishisi mol-mulkini yo‘qotgan.