Britaniyada Brexit bo‘yicha ikkinchi referendumni o‘tkazishmoqchi

Buyuk Britaniyada amaldorlar mamlakatni Yevropa Ittifoqidan chiqarish bo‘yicha ikkinchi referendumni o‘tkazish ssenariysini muhokama qilishmoqda. Bu haqda The Sunday Times nashri xabar tarqatdi.

Manba ma'lumotiga ko‘ra, Buyuk Britaniya bosh vaziri Tereza Meyning nufuzi pastlashi fonida davlat xizmatchilari voqealar rivojining turlicha ssenariylarini ko‘rib chiqishmoqda.

«Bu ularning ishi, barcha ehtimoliy variantlar uchun rejalar ko‘rib chiqilishi kerak, jumladan, ikkinchi referendumni o‘tkazish varianti ham», — degan manba.

Bundan avvalroq, Londonda 700 ming kishi ishtirokida Brexit bo‘yicha takroriy referendumni o‘tkazish talabi bilan namoyish o‘tkazilgandi.