«Yandeks Taksi» Toshkentda naqd pulsiz to‘lov xizmatini ishga tushiradi

«Yandeks Taksi» Toshkentda naqd pulsiz, karta orqali to‘lov xizmatini joriy etish ustida ish olib boryapti.

Qayd etilishicha, agar xizmat hozirda ishga tushirilsa, undan aholining katta qismi UzCard’dan foydalanayotgan paytda, faqat Visa va MasterCard kartalari egalari foydalanishi mumkin bo‘ladi.

Hozir kompaniya O‘zbekiston uchun maxsus dastur mahalliy xaritalar bilan ishlashi mumkin bo‘lishi uchun qayta tashkil qilinmoqda. Ushbu funksiya 2019 yilning birinchi choragida ishga tushirilishi rejalashtirilgan.