Qozog‘istonda Rossiyadan qaytayotgan o‘zbekistonliklar chiqqan avtobus ag‘darilib ketdi

22 noyabr kuni soat 20:20da Qozog‘istonning Qizilo‘rda oblasti hududida salonida Rossiyaning Nijniy Novgorod shahridan qaytayotgan o‘zbekistonliklar bo‘lgan yo‘lovchi avtobusi halokatga uchradi.

Qizilo‘rda oblasti matbuot xizmati xabariga ko‘ra, Chimkent—Samara trassasida, Aralsk shahridan 40 kilometr masofada Chimkent— Novosibirsk yo‘nalishidagi avtobus ag‘darilib ketgan.

Ma'lumotlarga ko‘ra, avtobusda 36 kishi bo‘lgan, shundan 34 nafari O‘zbekiston fuqarolaridir. Qolgan ikki kishi qozog‘istonlik haydovchilar.

«3 kishi Aralsk rayoni markaziy shifoxonasiga olib borilgan, ulardan biri olingan jarohatlari tufayli vafot etgan. Qolgan ikki kishining hayoti xavf ostida emas. Ammo ular ma'lum vaqt shifokorlar nazoratida bo‘lishi kerak», — deyiladi Qizilo‘rda oblasti akimi matbuot xizmati xabarida.

17 nafar yo‘lovchi trassa bo‘yidagi mehmonxonaga joylashtirilgan, qolgan yo‘lovchilar mustaqil ravishda Novosibirskka yo‘l olgan.