«Toshkent-Janubiy» vokzalida tezkor tadbir o‘tkazildi, Surxondaryodan kelgan fuqaro giyohvand modda bilan ushlandi

Toshkent shahrining Yakkasaroy tumanida 15 dekabr kuni ichki ishlar organlari xodimlari tomonidan “Toshkent-Janubiy” vokzalida tezkor-qidiruv tadbirlari o‘tkazildi.

O‘zbekiston Respublikasi IIV Jamoatchilik va ommaviy axborot vositalari bilan aloqalar boshqarmasi xabariga ko‘ra, Surxondaryo viloyatidan Toshkent shahriga “Termiz-Toshkent” yo‘lovchi poyezdida kirib kelgan fuqaro Sh.Sh.ning yonidan 8 dona polietilen paketga qadoqlangan holda 117.87 gr. “opiy” va 33.81 gr. “gashish” giyohvandlik vositalari topilib, daliliy ashyo sifatida olingan.

Holat yuzasidan jinoyat ishi qo‘zg‘atilib, tergov harakatlari olib borilmoqda.