IIBB haydovchiga qo‘pol munosabatda bo‘lgan YPX inspektoriga nisbatan xizmat tekshiruvi o‘tkazadi

Toshkent shahar Ichki ishlar bosh boshqarmasi haydovchiga qo‘pol munosabatda bo‘lgan Yo‘l-patrul xizmati inspektoriga nisbatan xizmat tekshiruvi tayinladi.

«Toshkent shahar Ichki ishlar bosh boshqarmasi shu yilning 26 iyun kuni Yashnobod tumani Beshariq ko‘chasida ro‘y bergan holat - Yo‘l-patrul xizmati inspektorining haydovchiga qo‘pol munosabatda bo‘lgani yuzasidan xizmat tekshiruvi tayinladi», - deya xabar berishgan boshqarmadan.

Ta'kidlanishicha, hodisa videoga olingan va ijtimoiy tarmoqlarda e'lon qilingan. Boshqa hech qanday tafsilotlar keltirilmagan.