Qashqadaryodagi asab-ruhiy kasalliklar shifoxonasida yong‘in yuz berdi

Qashqadaryo viloyatining Qarshi shahrida 2018 yil 25 dekabr kuni I.Karimov ko‘chasida joylashgan 1-sonli Asab-ruhiy kasalliklar shifoxonasining 2-qavatida yong‘in sodir bo‘lgan.

Ko‘rilgan choralar natijasida yong‘in shifokorlar tomonidan o‘chirildi, deb xabar qilmoqda O‘zbekiston Respublikasi IIV Jamoatchilik va ommaviy axborot vositalari bilan aloqalar boshqarmasi.

Oqibatda 2-qavatning 2 kv.m. maydoni yonib zarar ko‘rgan va shu shifoxona tarbiyalanuvchisi R.S. kuyish jarohatini olgan. 

Surishtiruv ishlari natijasida yong‘in elektr isitish pechi ustiga kiyim-kechaklarni quritish uchun ilib qo‘yilganidan kelib chiqqanligi aniqlangan.