Bristol-Mers Squibb farmatsevtik kompaniyasi 74 milliard dollarlik xaridni amalga oshirishga  yaqin turibdi 

AQShning Bristol-Mers Squibb farmatsevtik kompaniyasi saratonga qarshi dori vositasini ishlab chiqish bilan shug‘ullanuvchi Celgene biotexnologik kompaniyasini 74 mlrd dollarga sotib olmoqchi. Bu haqda CNBC telekanali xabar berdi.  

Ta'kidlanishicha, Celgene aksiyadorlari xarid uchun Bristol-Mers Squibb’ning bittadan aksiyasi va har bir aksiya uchun 50 dollardan naqd pul olishadi. Shu tariqa Celgene aksiyalari 102,43 dollarga baholangan. 

Kompaniyalar direktorlar kengashi bitimni ma'qullashgan. Agar u amalga oshirilsa, unda hosil bo‘lgan kompaniya dunyoning eng yirik farmatsevtik kompaniyalaridan biriga aylanadi.