Muqaddam sudlangan shaxs 10 mln so‘mni o‘g‘irlab ketdi

2018 yil 14 iyul kuni Sirdaryo tumani “Farovon” MFYda yashovchi U.M. (ayol) IIBga murojaat qilgan, deb xabar bermoqda O‘zbekiston Respublikasi IIV Jamoatchilik va ommaviy vositalari bilan aloqalar boshqarmasi.

U shu kuni soat 08:00 dan 16:00 gacha bo‘lgan vaqt oralig‘ida, uyidan 10 mln so‘m puli yo‘qolganligini ma'lum qilgan.

Ko‘rilgan choralar natijasida ushbu jinoyatni Toshkent viloyati Zangiota tumani “Ko‘ksaroy” MFYda yashovchi, muqaddam sudlangan N.K. sodir etganligi aniqlanib, ushlangan. 

Tergov harakatlari davom etmoqda, deyiladi xabarda.