Walt Disney kompaniya rahbari ish haqi miqdorini ochiqladi

The Walt Disney kompaniya bosh ijrochi direktori Robert Aygerning ish haqi miqdori to‘g‘risidagi ma'lumotni ochiqladi. Bu haqda The Hollywod Reporter xabar bermoqda.

Qayd etilishicha, tashkilotning so‘nggi moliyaviy yilida uning daromadi 80 foizga o‘sib, 65,6 million dollarga yetdi. Bundan oldin, 2017 yilda Robert Ayger 36,3 million dollar, 2016 yilda 43,9 million dollar ishlab topgandi.

Kompaniya joriy moliyaviy yil davomida jami 12,6 mlrd dollar daromad olib, o‘z foydasini 8%ga oshirdi (59,4 mlrd dollar).

Eslatib o‘tamiz, avvalroq Disney «oltin asri»ning so‘nggi animatori 106 yoshida vafot etgandi.