«Yulya – bu o‘q»: Ukraina bosh prokurori Timoshenkoga nisbatan munosabatini aytdi

Foto: RIA Novosti

Ukraina bosh prokurori Yuriy Lutsenkoning ma'lum qilishicha, mamlakat sobiq bosh vaziri va «Batkivshchina» partiyasi yetakchisi Yuliya Timoshenkoni «Kreml agenti», deb hisoblamaydi. Bu haqda RIA «Novosti» xabar bermoqda.

«Yulya - Kreml agenti, degan fikrlarni qat'iy ravishda inkor qilaman. Men u haqida juda ko‘p narsalarni bilaman. Yulya - bu o‘q, u faqat o‘ziga ma'lum bo‘lgan trayektoriya bo‘ylab uchmoqda. Biroq, bunda xavf ham bor, u buni faqat o‘zi to‘g‘ri deb hisoblagan tarzda qilmoqda», - dedi Lutsenko.

Uning qo‘shimcha qilishicha, Timoshenko olib borayotgan «o‘taketgan populizm siyosati»ga qo‘shilmaydi.

Eslatib o‘tamiz, avvalroq Ukraina sobiq prezidenti Viktor Yushchenko Rossiya aholisini qullikka «muhabbatda» ayblagandi.

#Ukraina #Yuliya Timoshenko