Qashqadaryoda hamqishlog‘ining umriga zomin bo‘lgan shaxs ushlandi

2019 yil 4 fevral kuni soat 23:30larda Qashqadaryo viloyatining Yakkabog‘ tumani Daryo MFYda yashovchi I.U. uyi oldida o‘zaro janjal sabab mast holda bo‘lgan hamqishlog‘i L.J.ga pichoq bilan jarohat yetkazgan.

O‘zbekiston Respublikasi IIV Jamoatchilik va ommaviy axborot vositalari bilan aloqalar boshqarmasi xabariga ko‘ra, natijada L.J. kasalxonaga yotqizilgan va ko‘rsatilgan tibbiy muolajalarga qaramay vafot etgan. 

Holat yuzasidan jinoyat ishi qo‘zg‘atilib, I.U. qo‘lga olindi. Tergov harakatlari olib borilmoqda, deyiladi xabarda.