VAR Chempionlar ligasida: mojaro davom etmoqda

Chempionlar ligasining pley-off bosqichidan VAR (videotakrorlar) tizimi joriy etilgach, hakamlarning boshi g‘avg‘odan chiqmay qoldi. Bu yangilik katta mojaro bilan yakunlanishi aniqqa o‘xshamoqda.

«Atletiko» – «Yuventus» uchrashuvida ham bir necha bahsli holatlar kuzatildi. O‘yinning birinchi bo‘limida mezbonlar hujumchisi Diyego Kosta italiyaliklar jamoasi jarima maydoniga kirib borib yiqildi. Bu vaziyatda Matteo di Shilo bilan yakkakurashga kirishgan ispaniyalik hujumchi avvaliga hakamni penalti borligiga ishontira oldi.

Avvaliga 11 metrlik nuqtani ko‘rsatgan germaniyalik hakam Feliks Tsvayr videohakamlar ma'lumotidan keyin qarorini o‘zgartirdi va penalti o‘rniga jarima zarbasi belgiladi. Stadiondagi katta ekranda «fol yo‘q, penalti yo‘q» yozuvi porladi. To‘liq absurd! Di Shilo fol qilmagan bo‘lsa, unda jarima zarbasi qayerdan paydo bo‘ldi?

Eng qizig‘i takrorda «Yuventus» futbolchisi fol ishlatgani ko‘rinmaydi. Ko‘rinishidan, Diyego Kosta penalti ishlash maqsadida simulyatsiya qilgan. Bunday holatlarda hakam hujumchiga sariq kartochka ko‘rsatishi mumkin, Kosta esa bu vaqtgacha bir marta ogohlantirilgan va u ikkinchi kartochkadan keyin maydonni tark etishga majbur bo‘lardi. Vaziyatga yanada yaxshilab qaralsa esa, yiqilayotgan de Shiloning barmoqlari Kostaning oyog‘ini silab o‘tganini ko‘rish mumkin. Hakam esa videotakrorlarni ko‘rib chiqib, jarima maydoni tashqarisida fol bo‘lganini ko‘rsatdi.

Good judgement by the ref. No penalty, and I'm not sure of there was even a foul here.#AtletiJuve pic.twitter.com/npsruzwudt

— Haris Mrkonja N1 (@harismrkonjan1) 20 fevralya 2019 g.

Ikkinchi bo‘limda Tsvayyer yana bir bor videotakrorga murojaat etishiga to‘g‘ri keldi. «Atletiko» hujumchisi Alvaro Morata sobiq jamoasi darvozasiga bosh bilan gol urdi va bu gol hal qiluvchi golga aylanishi mumkin edi. Ammo hakam u zarba berishdan oldin raqib himoyachisi Jorjo Kellinini biroz turtganini hisobga olib, golni bekor qildi.

Clear push by Morata. VAR got that one right. Morata close to equalling the amount of Champions League goals he scored for Chelsea (1).
pic.twitter.com/6KA6SOF0oa

— Darren (@DF_Arsenal) 20 fevralya 2019 g.

Eng qizig‘i, bir necha daqiqa o‘tib Tsvayyer madridliklarning bahsli golini inobatga oldi. Burchak zarbasi amalga oshirilgan vaqtda Xose Mariya Ximenes «Yuventus» himoyachisiga fol ishlatdi va bir necha soniya o‘tib to‘pni darvozaga yo‘lladi. Videotakrorlardan germaniyalik hakam esa shunchaki ortiq videotakrorga murojaat qilishni istamadi.

🇺🇾José María Giménez🇺🇾with the opening goal for Atlético Madrid!

They lead Cristiano Ronaldo and Juventus! pic.twitter.com/POK6za7Qsh

— NASA Football Podcast (@NASAPodcast) 20 fevralya 2019 g.

Bu o‘yinga parallel kechgan «Shalke» – «Manchester Siti» uchrashuvida ham bahsli vaziyatlar kuzatildi. Tanaffus arafasida, hisob mehmonlar foydasiga 1:0 bo‘lib turganida ispaniyalik hakam Karlos Del Serro Grande Angliya chempioni darvozasi tomon penalti belgiladi. Bu qarorga kelish uchun u qariyb to‘rt daqiqa sarfladi. Bu vaziyatda Daniyel Kalidjuri jarima maydoni tashqarisidan kuchli zarba yo‘llagan, to‘p esa Nikolas Otamendiga tegib, maydon tashqarisiga chiqib ketgandi. Avvaliga arbitr burchak zarbasini ko‘rsatdi, ammo nemislar klubi futbolchilari uni o‘rab olib, e'tirozlarini bildira ketishdi. Shundan keyin Grande videoarbitr bilan maslahatlashdi va qarorini o‘zgartirib, «nuqta»ni ko‘rsatdi. Ammo bu bilan epizod yakuniga yetmadi. Bir muddat pauza yuzaga keldi, hakam ikki jamoa sardorlarini chaqirib, ular bilan nimalarnidir muhokama qildi. Yakunda «Shalke» baribir 11 metrlik zarbani ijro etib, hisobni tenglashtirdi, hakam esa 4 daqiqa davomida o‘yinni to‘xtatib qo‘yib, o‘yin dinamikasini, tomoshaboplikni buzdi. Chindan ham, VAR har qanday klub uchun «qo‘shimcha kuzir» bo‘lib xizmat qilmoqda.

Bu suratda ko‘rish mumkinki, zarba yo‘lida turib qolgan argentinalik himoyachi imkon qadar qo‘lini tortishga uringan.

Schalke equalise against Manchester City thanks to VAR penalty... taken more than FOUR minutes after ball struck Nicolas Otamendi's arm https://t.co/FelZAYUses pic.twitter.com/encoAxLn7Q

— MailOnline Sport (@MailSport) 20 fevralya 2019 g.

De Bruyne dispossessed for the first penalty for Schalke. Doesn't track back in similar fashion to Pogba against Wolves. Wonder if pundits will have a go at him too 🧐 pic.twitter.com/hmT58mbVIb

— Ali. (@UtdAlii) 20 fevralya 2019 g.

Qayd etish kerakki, Gelzenkirxendagi o‘yinda mehmonlarning birinchi goli urilgan vaziyatda ham «Shalke» futbolchilari golli hujum boshlanishidan oldin qoida buzilganini ro‘kach qilib, Grandedan videotakrorga murojaat qilishni so‘ragandi. Aftidan bu e'tirozlar ikkinchi vaziyatda penalti belgilanishiga sabab bo‘ldi.

YeChLdagi VAR bilan bog‘liq mojarolar «Ayaks» – «Real» o‘yinida boshlangandi. Endi bu mavzu uchinchi va to‘rtinchi o‘yinlardan keyin ham muhokama qilinmoqda. O‘zi Chempionlar ligasida va futbolda videotakrorlardan foydalanish to‘g‘ri qaror bo‘lganmidi?..