Pokiston havo sarhadi 4 martgacha yopiq bo‘ladi

Foto: Mukesh Gupta / REUTERS

Pokiston fuqaro aviatsiyasi boshqarmasi mamlakat havo sarhadi 4 martgacha yopiq bo‘lishini tasdiqladi.

Mamlakat havo sarhadi Pokiston armiyasi Kashmir hududida Hindistonning ikkita harbiy samolyotini urib tushirgani haqida ma'lum qilganidan so‘ng yopilgandi.

Boshqarmaning Twitter sahifasida ma'lum qilinishicha, mamlakat havo hududi 4 mart mahalliy vaqt bilan soat 8.00gacha yopiq bo‘ladi.

Hindiston va Pokiston o‘rtasidagi vaziyat keskinlashishi qator aviakompaniyalarning reyslari bekor qilinishi va kechikishiga olib keldi. Jumladan, “O‘zbekiston havo yo‘llari” aviakompaniyasi 1 martdagi Lohur-Toshkent qatnovini bekor qildi.

Tayyorlagan Дилшод Аскаров

#Pokiston #aviaparvoz

14 fevral kuni Pokiston hududida o‘rnashgan «Jaysh-e-Muhammad» terrorchi guruhi Kashmirda Hindiston armiyasi harbiylari kolonnasi o‘tayotgan yo‘lda terakt sodir etishi natijasida 46 nafar hind harbiysi halok bo‘ldi. Bu voqea ortidan Pokiston va Hindiston munosabatlarida mojaro yana avj oldi.