Pokistonda yuzdan ortiq ekstremistlar hibsga olindi
Pokiston mamlakatdagi 182ta diniy maktab ustidan nazorat o‘rnatdi va yuzdan ortiq ekstremistlarni hibsga oldi. Bu haqda Reuters xabar bermoqda.
Mamlakat IIVning bildirishicha, hukumat taqiqlangan harbiy guruhlar ustidan bosimni kuchaytirgan.
«Bugungi kunda 121 kishi dastlabki hibsda saqlanmoqda», — deyiladi vazirlik bayonotida. Bundan tashqari, hukumat bir nechta diniy maktablar va kasalxonalar faoliyatini nazorat qilmoqda.
Agentlikning yozishicha, noqonuniy guruhlarni ovlash Islomobodga nisbatan xalqaro bosimning kuchayishi ortidan boshlangan. Bu 14 fevralda Jammu va Kashmir shtatida hind harbiylariga qarshi hujum bilan bog‘liq. O‘shanda terrorchi hujumi oqibatida 45 kishi halok bo‘lgan, hujum uchun javobgarlikni «Jaishi Muhammad» guruhi a'zolari o‘z zimmalariga olgandi.
Bunga javoban Hindiston armiyasi terrorchilarning Pokiston hududida joylashgan lageriga zarba berdi. Shundan so‘ng Hindiston va Pokiston harbiy-havo kuchlari o‘rtasida havo jangi bo‘lib o‘tdi.
Oxirgi kunlarda Hindiston va Pokiston o‘rtasida keskinlik yangi kuch bilan avj olmoqda.
Mavzuga oid
21:12 / 22.09.2024
Pokistonda Rossiya elchisi kortejidagi avtomobil mina bilan portlatildi
12:50 / 21.09.2024
Pokiston O‘zbekiston ishtirokidagi xalqaro transport yo‘lagini tashkil etish bo‘yicha memorandumni imzoladi
14:10 / 10.09.2024
Niderlandiyada qotillikka undaganlikda ayblangan ikki pokistonlik sudlandi
12:27 / 21.08.2024