Venesuelada dunyodagi eng yirik GESlardan birida qo‘poruvchilik sodir etildi

Foto: AP Photo / Rodrigo Abd

Venesuelaning milliy elektr energiya korporatsiyasi “El-Guri” gidroelektrostansiyasida qo‘poruvchilik sodir etilganini ma'lum qildi.

“El-Guri”da qo‘poruvchilik sodir etildi. Bu davlatga qarshi elektr urushning bir qismidir. Biz bunga yo‘l qo‘ymaymiz. Elektr ta'minotini tiklash ustida ishlamoqdamiz”, deb ma'lum qilgan korporatsiya tvitterda.

GESda yuz bergan voqea tafsilotlari ma'lum qilinmagan.

2016 yil yanvarda Bolivar shtatida joylashgan “El-Guri” dunyoda yirikligi bo‘yicha 4-raqamli stansiya hisoblangan.

Shuningdek, Venesuelaning 23 shtatidan 21 shtatida, jumladan poytaxt Karakasda elektr ta'minoti ommaviy uzilgani ma'lum qilingan.

Ta'kidlanishicha, Karakasda elektr ta'minotidagi uzilishlar sababli metropoliten yo‘nalishlari to‘xtatilgan va mobil aloqada uzilishlar kuzatilmoqda.

Tayyorlagan Шуҳрат Раҳимов

#Venesuela #GES

Venesuela prezident Nikolas Maduroga qarshi ommaviy norozilik namoyishlari girdobida qoldi. 23 yanvar kuni, ushbu namoyishlar avjiga chiqqan vaqtda Venesuela parlamenti rahbari Xuan Guaydo o‘zini mamlakatning muvaqqat prezidenti deb e’lon qildi