20 martdan Yangi Zelandiyadagi terakt qurbonlari dafn qilina boshlanadi – OAV 

Yangi Zelandiyaning Kraystcherch shahridagi ikkita masjidga qilingan hujumda halok bo‘lganlarning ilk dafnlari 20 mart kuni bo‘lib o‘tadi. Bu haqda shahar kengashiga iqtibos keltirgan holda Radio NZ radiostansiyasi ma'lum qildi. 

Yangi Zelandiya politsiyasi boshlig‘i Mayk Bushning ma'lum qilishicha, hozirga kelib 21 qurbonning shaxsi o‘rnatilgan, ularning jasadi oilalariga topshirilgan.

15 mart kuni Kraystcherchda amalga oshirilgan teraktda 50 kishi halok bo‘ldi, 50 kishi jarohat oldi. Ushbu terakt yuzasidan 28 yoshli Brenton Tarrantga qotillik ayblovi qo‘yilgan.