Business city markazlarida muz qoplamali yopiq maydonlar quriladi

Normativ-huquqiy hujjatlar loyihalari muhokamasi portalida “Qishki sport turlarini rivojlantirish chora-tadbirlari to‘g‘risida”gi Prezident qarori loyihasi joylashtirildi.

Hujjat bilan quyidagilar:

O‘zbekistonda qishki sport turlarini rivojlantirish dasturi;

2019-2023 yillarda davlat-xususiy sheriklik asosida xalqaro standartlarga javob beradigan yengil konstruksiyali muz qoplamali yopiq maydonlarni qurish hamda ularni zamonaviy sport asbob-uskunalari 
va jihozlash manzilli dasturi;

Ommaviy axborot vositalari, internet tarmog‘ining imkoniyatlaridan faol foydalangan holda, aholi o‘rtasida sog‘lom turmush tarzini targ‘ib qilish media-rejasi tasdiqlanishi mumkin.

Dasturning moliyalashtirish manbalari etib quyidagilar belgilanadi:

O‘zbekiston Respublikasi Jismoniy tarbiya va sport vazirligi huzuridagi Jismoniy tarbiya va sportni rivojlantirish jamg‘armasi mablag‘lari;

O‘zbekiston Respublikasi Davlat budjeti mablag‘lari;

Qoraqalpog‘iston Respublikasi budjeti, viloyatlar, Toshkent shahar mahalliy budjetlari, jamg‘armalar, sport federatsiyalari (uyushmalari), klublari, xorijiy investorlar, jismoniy tarbiya va sport jamiyatlari mablag‘lari, yuridik va jismoniy shaxslarning homiylik xayriyalari;

qonun hujjatlarida taqiqlanmagan boshqa manbalar.

Qoraqalpog‘iston Respublikasi Vazirlar Kengashi, viloyatlar va Toshkent shahri hokimliklarining:

joylarda barpo etilayotgan “Business city” shaklidagi zamonaviy ishbilarmonlik markazlari hududida 2019-2023 yillarda davlat-xususiy sheriklik asosida xalqaro standartlarga javob beradigan yengil konstruksiyali yopiq muz qoplamali maydonlarni qurish hamda ularni zamonaviy sport asbob-uskunalari va jihozlari bilan ta'minlash;

qishki sport turlari bo‘yicha xorijiy mutaxassis va trenerlarni ishga jalb qilish hamda ularni ijtimoiy qo‘llab-quvvatlash maqsadida uy-joy ajratish to‘g‘risidagi takliflari qabul qilinishi mumkin.