Rossiya va Ukraina o‘rtasidagi Do‘stlik haqidagi kelishuv amal qilishi to‘xtadi

1 apreldan Rossiya va Ukraina o‘rtasida 1997 yilda tuzilgan Do‘stlik, hamkorlik va sheriklik haqidagi kelishuv amal qilishi to‘xtadi. 

Ukraina prezidenti Petr Poroshenko ushbu kelishuv amal qilishi tugatilishi haqidagi farmonni 2018 yil dekabrida imzolagan. Kremlda bundan afsus bildirilgan.

Kelishuv Rossiya va Ukrainaning sobiq prezidentlari Boris Yelsin va Leonid Kuchma tomonidan imzolangan. Hujjatda tomonlar “suveren tenglik, chegaralar daxlsizligini o‘zaro hurmat qilish, bahslarning tinch yo‘l bilan hal qilinishi, kuch ishlatmaslik tamoyillari asosida”gi o‘zaro munosabatlarni qurishga kelishib olishgani aytilgan.