Superliga. «Dinamo» so‘nggi daqiqada gol urib, «Metallurg»ni yengdi

Superligada 3-turdan o‘rin olgan bir o‘yin yakunlandi.

«Dinamo» Samarqandda «Metallurg» bilan bellashdi va 2:1 hisobidagi g‘alabani qo‘lga kiritdi.

20-daqiqada mezbonlar yarimhimoyachisi Ixtiyor Toshpo‘latov chiroyli kombinatsiyani yakuniga yetkazib, hisobni ochdi. Biroq, oradan 6 daqiqa o‘tgach, Muzaffar Muzaffarov uzoq masofadan aniq zarba yo‘llab, hisobni tenglashtirdi. Hakam tomonidan qo‘shib berilgan daqiqalarning uchinchisida «Dinamo» g‘alaba keltiruvchi golni urdi. Jarima zarbasidan jarima maydoniga oshirilgan to‘pni Mirkomil Loqayev boshi bilan darvozabonning ustidan oshirib, to‘rga yo‘lladi.  

Bu natijadan so‘ng, «Dinamo» 4 ochko bilan 7-o‘rinda, «Metallurg» ham shuncha ochko bilan 5-o‘rinda bormoqda. 

Superliga, 3-tur
6 aprel, Samarqand, «Dinamo» stadioni
Dinamo (Samarqand) – Metallurg (Bekobod) – 2:1
Gollar: I.Toshpo‘latov (20), M.Loqayev (90+3) – M.Muzaffarov (26)
Hakamlar: R.Ermatov, A.Rasulov, J.Saidov (barchasi Toshkent shahridan)
Dinamo: B.Ergashev, M.Loqayev, H.A'lamxonov, A.Xolmurodov (S.Hamroyev 61), A.Safarov (J.Azimov 80), B.Qosimov, A.Shodmonov, S.Baratov (Q.Nurmetov 66), S.Eminov, I.Toshpo‘latov, Sh.Abdurahmonov 
Metallurg: Z.Safoyev, A.Otaxonov, I.Yo‘ldoshev (S.Jeparov 60, M.Isayev 72), I.Isoqjonov, B.Abdurahimov, M.Muzaffarov, Sh.Mullajonov, S.Andreyev, A.Shipilov (K.Tojiyev 33), A.Ismatullayev, S.Tumasyan