Zelenskiy amaldorlardan ish kabinetlariga uning suratlarini qo‘ymasliklarini so‘radi

Foto: Petr Sivkov/TASS

Ukraina prezidenti Vladimir Zelenskiy amaldorlarni kabinetlariga o‘z farzandlarining suratlarini ilishga chaqirdi.

"Sizlarning ish kabinetlaringizda mening suratlarim bo‘lmasligini judayam istayman, iltimos, mening suratlarim bo‘lmasin, chunki prezident – ikona yoki but emas. Prezident – portret emas", - dedi Zelenskiy Oliy radaning tantanali majlisida.

Ukraina prezidenti amaldorlardan kabinetlariga o‘z farzandlarining suratlarini qo‘yishlarini so‘radi.

"Kabinetingizga o‘z farzandlaringizning suratlarini ilib qo‘ying va har safar qaror chiqarishdan oldin ularning ko‘zlariga boqing", - dedi Zelenskiy.

Eslatib o‘tamiz, bugun, 20 may kuni Vladimir Zelenskiy rasman Ukraina prezidenti lavozimiga kirishdi.

Tayyorlagan Дилшод Аскаров

#portret #Zelenskiy

2019 yilning 31 martida Ukrainada prezidentlik saylovlari o‘tkaziladi. Saylovda ishtirok etish uchun 44 nomzod, shu jumladan mamlakatning amaldagi prezidenti Pyotr Poroshenko hujjat topshirgan.