Video: Toshkent aeroportini suv bosmoqda
Islom Karimov nomidagi Toshkent xalqaro aeroportida favqulodda holat yuzaga keldi. Ijtimoiy tarmoqlarda Toshkent shahrida yog‘gan kuchli yomg‘irlardan keyin aeroportning uchib kelish zalini suv bosgani tasvirlangan videolar tarqaldi.
AviaSpotter Telegram-kanaliga joylangan videoda zal shiftidan suv tomayotgani, har joy-har joyga suv tomishi uchun chelaklar qo‘yilganini ko‘rish mumkin.
Suv toshqinlari nafaqat uchib kelish zalida, boshqa zallarda ham, shuningdek, aeroport binosi tashqarisida ham kuzatilmoqda.
Aeroportning yangi terminali 2018 yilning 15 iyunida foydalanishga topshirilgandi. O‘shanda yangi terminal barcha xalqaro standartlarga javob berishi va eng zamonaviy muhandislik texnologiyalari bilan jihozlangani ma'lum qilingandi.
Toshkentda kuchli yomg‘ir davom etmoqda, ijtimoiy tarmoqlarda yomg‘ir chog‘ida olingan, suvga to‘lgan poytaxt ko‘chalari aks etgan, do‘l yog‘ishi manzaralari muhrlangan tasvirlar paydo bo‘lishda davom etmoqda.
Biroz avvalroq Toshkentda kuchli yomg‘ir oqibatida ikkita samolyot o‘z yo‘nalishini Samarqandga o‘zgartirgani haqida xabar berilgandi.
Mavzuga oid
21:43 / 19.09.2024
Dunay daryosi suvi kritik darajaga ko‘tarilib, Vengriya parlamenti binosiga qadar yetib bordi
01:06 / 18.09.2024
Myanmada suv toshqinlari va ko‘chkilar oqibatida 200 dan ortiq odam halok bo‘ldi
20:48 / 17.09.2024
Markaziy Yevropadagi suv toshqinlari: qurbonlar soni ortmoqda, Polshada favqulodda holat e’lon qilindi
22:44 / 13.09.2024