Rossiya va YeI o‘zaro hisob-kitoblarda rubl va yevroga o‘tmoqchi
Rossiya bosh vazirining birinchi o‘rinbosari, moliya vaziri Anton Siluanov va Yevrokomissiyaning energoittifoq bo‘yicha vitse-prezidenti Marosh Shefchovich o‘zaro savdodagi hisob-kitoblarni rubl va yevroga o‘tkazish masalasini ilgari suruvchi ishchi guruh tuzishga kelishib oldi. Bu haqda bosh vazirning birinchi o‘rinbosari matbuot kotibi Andrey Lavrov ma'lum qildi.
«Tomonlar milliy valutalardan foydalanishni kengaytirish o‘zaro manfaatli bo‘lishini, Rossiya va YeI tadbirkorlari uchun xatarlarni pasaytirishini qayd etishdi», — dedi u.
Ishchi guruh hisob-kitoblarni milliy valutalarda olib borish bo‘yicha amaliy qadamlarni o‘rganadi, dedi Siluanovning vakili.
Rossiya o‘z savdo hamkorlari bilan hisob-kitob qilishda milliy valutalarga o‘tish bo‘yicha faol ish olib bormoqda. Keyingi paytda Turkiya va Xitoy bilan bu borada muzokaralar o‘tkazildi.
Mavzuga oid
08:10
Ukraina Rossiyadagi raketa arsenaliga muvaffaqiyatli zarba berganini e’lon qildi
00:16
Norvegiya hukumati Rossiya bilan chegaraga panjara qurish haqida o‘ylamoqda
18:57 / 29.09.2024
Rossiyada migratsiya siyosatini kuchaytiradigan beshta qonun loyihasi ko‘rib chiqiladi
13:31 / 29.09.2024