Venadagi portlash natijasida ko‘pqavatli uyning bir necha qavati vayron bo‘ldi

Vena shahri markazida, Pressgasse va Schäffergasse ko‘chalari hududida kuchli portlash sodir bo‘ldi. Bu haqda RBK xabar bermoqda.

Xabarda aytilishicha, portlash oqibatida ko‘pqavatli uyning bir nechta qavati vayron bo‘lgan. Dastlabki taxminlarga ko‘ra, hodisa gaz portlashi natijasida yuz bergan.

Vena shahar kengashi portlashda kamida o‘n kishi jarohatlanganini ma'lum qildi. Qutqaruvchilarning aytishlaricha, to‘rt kishi jiddiy, olti kishi yengil jarohat olgan.