O‘zbekiston milliy jamoasi FIFA reytingida ikki pog‘ona pastladi

FIFA milliy jamoalarning iyul oyi reytingini e'lon qildi.

O‘zbekiston milliy jamoasi o‘tgan oyga nisbatan 2 pog‘ona pastladi va 1286 ochko bilan 84-o‘ringa tushdi. Osiyo qit'asi jamoalari orasida futbolchilarimiz 10-o‘rinni egallab turishibdi.

FIFA reytingida Belgiya milliy jamoasi 1746 ochko bilan peshqadamlik qilmoqda. 1726 ochko to‘plagan Braziliya ikkinchi, 1718 ochko bilan Fransiya uchinchi pog‘onada bormoqda.

Osiyoda Eron, Yaponiya va Janubiy Koreya milliy jamoalari yetakchilik qilishyapti.