Toshkentda masjidlar atrofidagi yo‘llar 1 kilometr masofada transportlar harakati uchun berkitiladi 

Toshkentda masjidlar atrofidagi yo‘llar 1 kilometr masofa doirasida transportlar harakati uchun berkitiladi. Bu haqda poytaxt IIBB matbuot xizmati xabarida aytiladi.

“Hurmatli hamshaharlar va Toshkent mehmonlari! Sizni xalqimizning shukronalik, saxovat va mehr-oqibat ayyomi – muborak Qurbon hayiti bilan tabriklaymiz.

Shuningdek ma'lum qilamizki, Qurbon hayiti munosabati bilan 10-avgust kuni soat 24.00 dan 11-avgust kuni soat 8.00 gacha masjidlar atrofidagi yo‘llar 1 kilometr masofa doirasida transport vositalarining harakati uchun berkitiladi”, - deyiladi xabarda. 

Haydovchilardan avtomobillarni tegishli joylarda qoldirish va o‘zgalar uchun noquyliklar tug‘dirmaslik so‘ralgan. 

“Imkon qadar shahar jamoat transporti xizmatlaridan foydalaning”, - deya yakunlanadi ma'lumot.