Shri-Lankada 42 mingdan ortiq kishi denge bezgagini yuqtirib oldi

Shri-Lankada joriy yilning sakkiz oyi davomida 42 mingdan ortiq denge bezgagi bilan og‘rish holatlari qayd etildi. Bu haqda Sinxua agentligi xabar bermoqda.

Agentlikning bildirishicha, kasallikni yuqtirish holatlari eng ko‘p Kolombo okrugida qayd etilgan (8,8 ming kishi). Qayd etilishicha, virusdan 62 kishi vafot etgan.

2018 yilda Shri-Lankada 48 mingdan ortiq kishi denge bezgagiga chalingan, 50 kishi vafot etgandi.

Denge bezgagi subtropik va tropik iqlimli hududlarda uchraydigan yuqumli kasallik bo‘lib, Aedes aegypti chivinlari kasallik tarqatuvchilar hisoblanadi.