Isroil elchixonalari 1 noyabrdan o‘z ishini davom ettiradi

Isroilning moliya vazirligi bilan nizo sababli ish tashlash doirasida o‘z ishini to‘xtatgan elchixonalari o‘z vazifalarini 1 noyabrdan bajarishni davom ettiradi. Bu haqda Isroil tashqi ishlar vazirligi xabar berdi.

Foto: Pixabay

“Ish tashlash yakunlandi, barcha elchixonalar ertadan ochiladi”, deb aytilgan xabarda.

Tashqi ishlar vazirligida ta'kidlanishicha, sud qaroriga ko‘ra, ixtilof tomonlari – moliya vazirligi va tashqi ishlar vazirligi xodimlari kasaba uyushmasi 25 kun ichida muammoning yechimini topishlari kerak.

30 oktyabrda Isroilning butun dunyodagi elchixonalari isroillik diplomatlar sarf-xarajatlari qisqartirilishiga qarshi yopilishi e'lon qilingandi.