Jahon mamlakatlarining fuqarolik reytingi e'lon qilindi
Groningen universitetining fuqarolik va migratsion huquqlar bo‘yicha eksperti Dimitriy Kochenov va Henley & Partners konsalting firmasi raisi Kristian Kalin navbatdagi jahon mamlakatlarining fuqarolik reytingini e'lon qildi.
Fuqarolik reytingini tuzishda mamlakat iqtisodiyotining hajmi, inson salohiyati rivojlanishi darajasi, mamlakatdagi jamoat tartibi va barqarorlik, mamlakat fuqarosining vizasiz nechta davlatga kira olishi, mamlakat fuqarosining nechta davlatda erkin yashay va ishlay olishi kabi omillar hisobga olingan.
Ekspertlar Fransiyani reyting yetakchisi deb topishdi. Bu mamlakat fuqaroligi sifati 83,5 foiz deb baholandi. Undan keyingi o‘rinlarda Germaniya va Niderlandiya joylashdi (82,8 foiz).
Ulardan tashqari, Daniya (81,7 foiz), Norvegiya va Shvetsiya (81,5 foiz), Islandiya (81,4 foiz), Finlyandiya (81,2 foiz), Italiya (80,7 foiz), Buyuk Britaniya (80,3 foiz), Irlandiya (80,2 foiz) va Ispaniya (80 foiz) yuqori o‘rinlarga loyiq deb topildi.
O‘zbekiston 29,3 foiz ko‘rsatkich bilan 109-o‘rinda joylashdi. Yaqin qo‘shnilarimiz – Qozog‘iston 84-o‘rin (35,7 foiz), Qirg‘iziston 102-o‘rin (30,6 foiz), Tojikiston 114-o‘rin (27,9 foiz) va Turkmaniston 122-o‘rindan (26,7 foiz) joy oldi.
Fuqarolik sifati eng past deb Somali (13,8 foiz, 159-o‘rin), Afg‘oniston (15,4 foiz, 158-o‘rin) va Janubiy Sudan (15,9 foiz, 157o‘rin) topildi.
Mavzuga oid
21:44 / 03.09.2024
Rossiyada Markaziy Osiyo davlatlari vakillariga fuqarolik berishni to‘xtatish taklif etildi
13:25 / 22.08.2024
Ukrainada ko‘ngillilarga fuqarolikni berish soddalashtirildi
08:32 / 01.08.2024
Rossiyada yangi fuqarolar harbiy xizmat uchun ro‘yxatdan o‘tishi kerak bo‘ladi
23:42 / 08.02.2024