Keniyadagi ko‘chkilar vaqtida 36 kishi halok bo‘ldi

Keniyada yuz bergan ko‘chkilar oqibatida kamida 36 kishi, jumladan 7 bola halok bo‘ldi. Bu haqda Sky News nashri xabar berdi.  

Ko‘chkilar kuchli yomg‘irlardan keyin yuz bergan.

Qurbonlardan bir nechasi Takmal qishlog‘idagi ko‘chki vaqtida, Parua va Tapach qishloqlarida esa 7 bola halok bo‘lgan. 

Ta'kidlanishicha, Uganda bilan chegaradosh G‘arbiy Pokot okrugiga 22 noyabrdagi yomg‘irlardan keyin talofat yetgan. Bu yerda 4 ta ko‘prik suv oqimi bilan yuvib ketilgan, eng ko‘p jabrlangan Muyno qishlog‘iga esa borishning iloji bo‘lmayapti.