Qozog‘iston aviakompaniyasi Qrim ustidan parvozni amalga oshirgani uchun Ukrainaga jarima to‘ladi

Ukraina Qrim ustidan parvoz amalga oshirilgani uchun dastlabki jarima to‘lanishiga erishdi, deb xabar berdi Ukraina mudofaa vazirligining «Armiya Inform» agentligi.

Agentlikning ma'lumotiga ko‘ra, Qozog‘istonning Euro-Asia-Air aviakompaniyasi 5,9 ming dollar atrofidagi jarimani to‘lagan. Xabarda aytilishicha, aviakompaniya samolyoti 2019 yil avgustda Qrim ustidan parvoz qilgan.

2014 yilda Qrim ustidan parvoz qilish taqiqi kuchga kirganidan so‘ng bu taqiq 200 ming martadan ortiq buzilgan. Ammo ushbu taqiqni buzgani uchun jarima to‘lagan birinchi aviakompaniya Euro-Asia-Air bo‘ldi.

Qrim Rossiyaga qo‘shib olinganidan so‘ng Ukraina Qrim ustidan parvoz qilishni taqiqlagandi.