Qoʻshimcha funksionallar
-
Tungi ko‘rinish
Bitiruvchi o‘rniga robot: Tokiodagi universitet innovatsion diplom topshirish marosimini o‘tkazdi
Yaponiyadagi BBT universiteti COVID-19 pandemiyasi davrida karantin qoidalarini buzmay bitiruv marosimini o‘tkazishning ajoyib texnologik yo‘lini topdi.
Foto: BBT University
Universitet rasmiy saytida xabar qilinishicha, marosimda robotlardan foydalanilgan: to‘rt nafar bitiruvchi (ikki bakalavr va ikki magistr) uydan turib masofadan bu robotlarni boshqarish imkoniyatiga ega bo‘lgan.
Robotlarga bitiruvchilardek kiyim kiygizilib, yuz qismiga displey joylangan va u onlayn tarzda bitiruvchining vebkamerasiga ulangan. Robotlarni masofadan turib boshqargan talabalar ular vositasida diplomlarini tantanali tarzda qabul qilib olishgan.
Qolgan bitiruvchilar esa marosimni ZOOM orqali onlayn kuzatib, fikrlari bilan o‘rtoqlashishgan.
28 mart kuni Tokiodagi mehmonxonalardan birida o‘tgan tadbirda newme robotlaridan foydalanilgan. Bitiruvchilar marosimdan keyin ushbu robotlar orqali intervyu ham berishgan.
Ma'lumot uchun, BBT (Business Breakthrough) universiteti biznes boshqaruvi sohasidagi kadrlarni tayyorlashga ixtisoslashgan.
Pandemiya ham bir imkoniyat: koronavirus ta'lim tizimiga qanday ta'sir qilmoqda?
Mavzuga oid
14:06 / 26.05.2025
Yaponiya bozori uchun kadrlar tayyorlash bo‘yicha ta’lim dasturlari ishlab chiqiladi
15:50 / 25.05.2025
Yaponiya kemasi Rossiya bilan bahsli orol yaqinida ogohlantirishsiz o‘t ochdi
21:15 / 21.05.2025
Yaponiya qishloq xo‘jaligi vaziri guruch haqidagi gaplaridan keyin iste’fo berdi
09:05 / 21.05.2025