Yerning «yangrashi» fazodan yozib olindi

Yevropa koinot agentligi qurilmasi magnitometr yordamida sayyoramiz magnit maydonining tovushlarini yozib oldi.

Foto: NASA

Olimlar Yer magnit maydonining “qo‘shig‘i”ni taqdim qilishdi. Audioyozuv Yevropa koinot agentligining tvitterdagi akkauntida joylashtirilgan.

Hello Earthlings! I made some music for you! I'm not sure about the right name for the song. Maybe 'The Sound of the Magnetic Field'? Do you think it's good? I recorded it just for you with the help of my magnetometer instrument built by@tuBraunschweig and @IWF_oeaw pic.twitter.com/PR0i0ghW6n
— Bepi (@ESA_Bepi) April 21, 2020

Ta'kidlanishicha, yozuv BepiColombo qurilmasi tomonidan qayd qilingan. Ushbu qurilma ESA va JAXA – Yevropa va Yaponiya koinot agentliklari missiyasi doirasida faoliyat yuritmoqda.

BepiColombo 2018 yilda fazoga uchirilgan. Uning asosiy maqsadi Merkuriy sayyorasini o‘rganish hisoblanadi. U Merkuriy atrofida 6 marta aylangach, Venera atrofida ham 2 marta aylanishi belgilangan.