Yevroittifoq inqirozdan so‘ng iqtisodiyotni qo‘llab-quvvatlash uchun 540 mlrd yevro ajratilishini ma'qulladi

Yevroittifoq davlatlari va hukumatlari rahbarlari COVID-19 inqirozidan so‘ng YeI iqtisodiyotini qo‘llab-quvvatlash bo‘yicha "yo‘l xaritasi"ni ma'qulladi.

Foto: REUTERS

"U to‘rtta ustuvor yo‘nalishni belgilab beradi. Bu to‘liq faoliyat yuritadigan yagona bozor. Investitsiyalar sohasidagi beqiyos harakatlar. Koronavirusga qarshi global harakatlar. Yaxshi faoliyat ko‘rsatadigan boshqaruv tizimi", - dedi Yevropa kengashi rahbari Sharl Mishel.

Mishel shuningdek, davlatlar, korxonalar va ishchilarni qo‘llab-quvvatlashga qaratilgan umumiy miqdori 540 mlrd yevroni tashkil etuvchi uchta sug‘urta dasturi tasdiqlanganini ma'lum qildi.

"Biz bu paket 1 iyundan ishga tushishini so‘radik", - dedi Yevrokengash rahbari.

Yevropa avtomobil ishlab chiqaruvchilar assotsiatsiyasining ma'lumot berishicha, Yevroittifoqda mart oyida avtomobillar savdosi 55,1 foizga tushib ketgan.

Bundan tashqari, sanoatning boshqa yo‘nalishlari, qishloq xo‘jaligi va turizm sohalari katta zarar ko‘rmoqda.