Qoʻshimcha funksionallar
-
Tungi ko‘rinish
Yaponiyada koronavirus sababli mahbuslar moddiy yordam oladi
Yaponiya hukumati mamlakatning har bir fuqarosiga 100 ming iyendan to‘lashga qaror qilgan - bu 930 dollar atrofida bo‘ladi. Nafaqani olish uchun ariza to‘ldirish kifoya.
Yaponiyada qamoqxonalardagi mahbuslar ham koronavirus pandemiyasi sababli qolgan aholi bilan bir qatorda moddiy yordam oladi. Bu haqda mamlakat adliya vaziri Masako Mori ma'lum qildi.
«Jazoni ijro etish muassasalaridagi mahbuslar ham moddiy yordam oladi», — dedi adliya vaziri. U o‘limga hukm qilinganlar ham bundan mustasno emasligini alohida ta'kidladi.
Yaponiya hukumati mamlakatning har bir fuqarosiga 100 ming iyendan to‘lashga qaror qilgan — bu 930 dollar atrofida bo‘ladi. Nafaqani olish uchun ariza to‘ldirish kifoya. Hukumat daromadi yuqori bo‘lgan fuqarolar ushbu nafaqani olishga urinmaydi degan fikrda.
Ma'lumotlarga ko‘ra, Yaponiyada koronavirusga chalinganlar soni 13,6 mingdan oshgan, 385 kishi vafot etgan.
Mamlakatda 16 apreldan buyon favqulodda holat rejimi amal qilmoqda. U kamida 6 maygacha davom etadi.
Koronavirus
Mavzuga oid
14:06 / 26.05.2025
Yaponiya bozori uchun kadrlar tayyorlash bo‘yicha ta’lim dasturlari ishlab chiqiladi
15:50 / 25.05.2025
Yaponiya kemasi Rossiya bilan bahsli orol yaqinida ogohlantirishsiz o‘t ochdi
21:15 / 21.05.2025
Yaponiya qishloq xo‘jaligi vaziri guruch haqidagi gaplaridan keyin iste’fo berdi
09:05 / 21.05.2025