Qoʻshimcha funksionallar
-
Tungi ko‘rinish
Samarqanddan Buxoroga yordam jo‘natildi
Samarqand viloyatidan Buxoro viloyatining Olot va Qorako‘l tumanlari aholisiga 2 ming dona shifer, 10 tonna kartoshka, 4 tonna sabzi, 4 tonna piyoz va 2 tonna o‘simlik moyi jo‘natildi. Bu haqda viloyat hokimining o‘rinbosari R.Qobilov Kun.uz muxbiriga xabar berdi.
Ma'lum qilinishicha, 29 aprel kuni xalq deputatlari viloyat kengashining navbatdagi sessiyasida Olot va Qorako‘l tumanlari aholisiga amaliy yordam berish tashabbusi bildirilgan. Shu kuni kechasi qurilish materiallari va oziq-ovqat mahsulotlari ortilgan avtomashinalar karvoni Buxoroga qarab yo‘lga chiqqan.
«Davlat rahbarining o‘zi buxoroliklar holidan xabar olib, ularning ko‘nglini ko‘tarib keldilar. Biz ham bunday sharoitda qo‘l qovushtirib o‘tirolmaymiz, albatta. Shunday paytda bir-birimizga yelkadosh bo‘lishimiz, yordam qo‘lini cho‘zishimiz kerak. Sinovli kunlarda bunday harakatlar hammamiz uchun dalda bo‘ladi», deydi viloyat hokimi o‘rinbosari.
Viloyat hokimligi buxoroliklarga bundan keyin ham yana shu kabi yordam ko‘rsatishni rejalashtirmoqda.
Buxoro viloyatidagi bo‘ron
Mavzuga oid
18:43 / 16.05.2025
Samarqandda maktab o‘quvchilarining janjali ulardan birining o‘limi bilan tugadi
16:16 / 16.05.2025
Tanzila Norboyeva Buxoroda jinoyatchilikka qarshi kurashish masalalarini muhokama qildi
14:39 / 16.05.2025
Buxoroda yo‘ldan o‘tayotgan ayol ekskavator bosib ketishi oqibatida halok bo‘ldi
19:05 / 12.05.2025