AQShning 3 ta shahrida noroziliklar sababli komendantlik soati kiritildi
AQShning Denver (Kolorado shtati), Tsinsinnati (Ohayo shtat) va Miluoki (Viskonsin shtati) shaharlari merlari Minneapolisda afroamerikalik Jorj Floyd politsiya tomonidan ushlangandan keyin vafot etgani bilan bog‘liq holda yuzaga kelgan noroziliklar sababli o‘z hududlarida komendantlik soati kiritdilar.
“Biz barcha xavfsizlikda bo‘lishini istaymiz. Shu sababli bugungi kundan [30 may] 1 iyungacha soat 20dan 5gacha shaharning butun hududi bo‘ylab komendantlik soati kiritiladi”, deb yozgan Denver meri Maykl Xenkok Twitter’da.
Tsinsinnati meri Jon Kranli ham shaharni qamrab olgan tartibsizliklar sababli 30 va 31 may kunlari mahalliy vaqt bilan soat 22dan 6gacha komendantlik soati joriy qilinishini ma'lum qilgan.
Miluoki meri Tom Barrett esa shaharda 30 may kuni soat 21dan komendantlik soati kiritilishini e'lon qilgan. Mahalliy politsiya ma'lumotlariga ko‘ra, 29 maydagi norozilik namoyishlari vaqtida politsiyachilardan biriga o‘q uzilgan, biroq uni bronejileti qutqarib qolgan.
25 may kuni Minneapolis shahrida 46 yoshli afroamerikalik Jorj Floydni qo‘lga olish chog‘ida politsiyachi uni o‘ldirib qo‘ydi. Floydning o‘limi xabariga javoban Minneapolisda politsiya zo‘ravonligi va irqiy tengsizlikka qarshi namoyishlar boshlanib ketdi. Shaharda tartibsizliklar, talonchilik va binolarga o‘t qo‘yishlar yuz berdi. Minneapolis markazida bir necha yirik yong‘in ro‘y berdi, ko‘plab do‘konlar to‘liq yonib ketdi.
Mavzuga oid
23:25 / 20.09.2024
AQSh prezidentligiga nomzodlar xavfsizligi kuchaytirilishi mumkin
18:08 / 20.09.2024
Amerikada erkak 18 yil birovning “svet”iga pul to‘lab kelgani aniqlandi
12:30 / 20.09.2024
AQSh Rossiya va KXDRning beshta yuridik va jismoniy shaxsiga qarshi sanksiyalar kiritdi
10:28 / 20.09.2024