Joylarda haligacha tender tanlovlari o‘tkazmasdan, loyiha-smeta hujjatlarisiz qurilishlar qilinmoqda – moliya vaziri

Moliya vaziri Timur Ishmetovning aytishicha, prezident qarori bilan moliyalashtirish manbasi aniq bo‘lmagan obektlarda loyiha-smeta hujjatlarisiz yoki tender tanlovlari o‘tkazmasdan qurilish ishlarini boshlash taqiqlangan bo‘lsa-da, joylarda qonunbuzarliklar davom etmoqda. U bu haqda Oliy Majlis Qonunchilik palatasida davlat budjeti va davlat maqsadli jamg‘armalari budjetlarining 2019 yildagi ijrosi to‘g‘risidagi hisobot muhokamasi chog‘ida ma'lum qildi.